أنا حجيت 5 مرات وعملت
كتب : حمدى صابر أحمد
اعربت الفنانة فيفي عبده، عن استيائها بسبب ذكر كلمة الراقصة كصفة سيئة للمرأة، مؤكدة أن الراقصة ليست امرأة سيئة السمعة طوال الوقت، وذلك خلال لقاء لها ببرنامج الراديو بيضحك مع الإعلامية فاطمة مصطفى عبر محطة الراديو 9090.
وقالت فيفي عبده، خلال تصريحاتها عبر محطة الراديو 9090: أنا عملت عمرة و حجيت 5 مرات عملت فرض ربنا، كفاياكم تقولوا الرقاصة، هو مفيش شماعة مايلة غير الرقاصة؟ لأ الرقاصة دي ليها ناسها بيحترموها وبيتفرجوا عليها، قرفونا وزهقنا من كلمة رقاصة كلمة مالهاش لازمة.
وأكدت فيفي عبده، عن غضبها بسبب السؤال المتكرر عن عدد زيجاتها وتفاصيل حياتها الشخصية، قائلة: بيسألني على الهواء اتجوزتي كام مرة؟ ما خلاص خلصنا يا أخي، مش حلو أبدًا ودي حاجة سخيفة أوي، حاجاتي الخاصة مالكش دعوة بيها ولا تسألني فيها.
أما عن رأيها في الجيل الحالي من الراقصات، فقالت فيفي عبده: الجيل الحالي بعافية شوية، والرقص زمان كان ليه هيبته وقيمته، واللي كان بيتفرج كان له تقله مش زي دلوقتي، ودلوقتي الرقاصة بالزمبالك كأنها لعبة وبيقلدوا بعض، أنا كسرت الدنيا بالجلابية، ولما كنت فقيرة مكنتش بقدر أشتري بدلة أرقص بيها، ولما ربنا إداني جبت 5 مصميين أزياء واشتريت.
