بقلم : الدكتور أحمد حمدى
صدقوني وإحنا بنفتش في الفترة الأخيرة ببقى عارف كويس إن خسارة الجزار هتكون تقيلة قوي عليه لأنه شاري بالغالي ومابيصدق يبيع في ظل حركة البيع الضعيفة أو اللي مابقتش زي الأول لكن عايز أوضحله إن في الوقت اللي بنمر بيه كلنا ده غشك لينا كأهل بلدك ذنبه أكبر بكتيييير من أي وقت فات أنت ماتعرفش الأب اللي جاي يشتري منك ده مدبر الفلوس دي ازاي لمجرد إنه مايحرمش أولاده من أكل اللحمة ماتعرفش ممكن يكون شال إيه من احتياجاته الشخصية علشان يعوض سعر اللحمة الغالي اللي هيشتريها منك و اللي من أبسط حقوقه إنك تديهاله سليمة. مش يبقى طافح الدم وف الآخر يدخل على أولاده أمراض ووجع بطن وعلشان كده مفيش أي تهاون مع كل جزار أو صاحب مطعم مش بيراعي ربنا في الناس وحال الناس لأن في الظروف دي معدنك الحقيقي هيبان
